Të paktën 10 persona janë vrarë dhe 25 të tjerë janë plagosur rëndë, nga shpërthimi i një veture-bombë, ditën e sotme në qytetin kufitar sirian, Tel Abyad, në një zonë industriale.
Ky qytet është përballur me luftime të ashpra që nga nisja e ofensivës turke në brezin kufitar mes dy vendeve më 9 tetor kundër forcave kurde në verilindje të Sirisë.
Ajo ç’ka ka mbetur në vendin e shpërthimit është tymi dhe flaka dhe njerëz që kërkojnë nën rrënoja për të afërmit e tyre. Shpërthimi i makinës bombë ka krijuar një krater të madh në tokë në qytetin ku ndodhi ngjarja. Ende nuk është e qartë se kush janë grupet që e kanë shkaktuar këtë tragjedi.
Vëzhguesi Sirian për të Drejtat e Njeriut tha se në mesin e viktimave të shpërthimit ishin edhe katër civilë të së njëjtës familje. Banorët lokalë thanë se këtë shpërthim e kanë shkaktuar forcat kurde.
Shpërthimet të ngjashme ndodhin shpesh në zonat e banuara me civilë afër kufirit me Turqinë, të cilat kontrollohen nga forcat e përkrahura nga forcat turke, shkruan “Reuters”.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite